ဒီသံသရာကြီးဟာ ဘယ်လောက်ရှည်လျားသလဲဆိုတော့ ရေးရေးထင်မြင်လာအောင် သင်တို့ရဲ့လက်ရှိဘ၀ကနေပြီးတော့ ရှေ့ဘ၀ ဘ၀တွေကိုမျှော်ကြည့်စမ်းပါ၊ ဘ၀အသစ် အသစ်တွေဖြစ်ပြီးရင်း ဖြစ်ရင်းနဲ့ ဆင်းရဲမှု တာရှည်သလောက် သံသရာ ကြီးဟာလည်း ရှည်လျားနေတာကို မှန်းဆနိုင်ကြလိမ့်မယ်၊ မိတ်ဆွေတို့ ထင်လွယ်မြင်လွယ်အောင် ဒီမှာရှိတဲ့ မိုးမျှော်တိုက် ကြီးတစ်ခုနဲ့ ထင်ဟပ်ပြီးပြပါမယ်၊ စောစောကပြောခဲ့တဲ့ ၃၁ ဘုံကြီးဟာ ၃၁ ထပ်တိုက်ကြီးတစ်တိုက် ဆိုပါတော့၊ သည် ၃၁ ထပ်တိုက်ကြီးထဲရောက်နေတဲ့သူတွေအတွက် ထွက်စရာတံခါးပေါက်မရှိပါဘူး၊ ဒီတိုက်ကြီးအတွင်းမှာပဲ အထပ်တစ်ခုခုကို သွားလို့ရပါတယ်။ ဘယ်လိုသွားမလဲ၊ ရိုးရိုး မိုးမျှော်တိုက်ကြီးထဲမှာတော့ သက်ဆိုင်ရာ ခလုတ်ကိုနှိပ်ပြီး သွားရတယ်။ အောက်ထပ်ဆင်းချင်ရင် အောက်ထပ်ခလုတ်ကိုနှပ်လို၊ အထက်ထပ်သွားချင်ရင် အထက်ထပ်ခလုတ်ကို နှိပ်ရတယ် မဟုတ်လား၊ ၃၁ ဘုံနဲ့တူတဲ့ ၃၁ ထပ်တိုက်ကြီးထဲမှာတော့ ရိုးရိုးတိုက်ကြီးထဲမှာ ခလုတ်နှိပ်ရတာလိုမလွယ်ဘူး၊ ကာယကံ ရှင်ရဲ့ ကောင်းမှုကံ၊ မကောင်းမှုကံ ဆိုတဲ့ အကျိုးဆက်အတိုင်းသာ ကောင်းတဲ့အထပ်၊ ဆိုးတဲ့အထပ်တွေကိုရောက်ရတယ်၊ ကိုယ်ရောက်ချင်တိုင်းရောက်လို့မရဘူး။
ကျွန်တော်တို့အခုရောက်နေတဲ့ အထပ်ဟာ ဒီ ၃၁ ဘုံ ဆိုတဲ့ တိုက်ကြီးရဲ့ ပဉ္စမထပ် ဖြစ်တဲ့အကြောင်းပြောခဲ့ပါတယ်။ ဒီ အထက်ကနေပြီး ကျွန်တော်တို့သေသွားပြီးတဲ့နောက်ပိုင်း အထက်ကိုဖြစ်စေ၊ အောက်ကိုဖြစ်စေ၊ လက်ရှိအထပ်မှာပဲ အသွင်တစ်မျိုးနဲ့ဖြစ်စေ ကူးပြောင်းရဦးမှာပါ၊ သည်တစ်ခါမှာ ကောင်းတာလုပ်ခဲ့သူအဖို့ ကောင်းတဲ့နေရာကိုရောက်ပြီး ဆိုးတာလုပ်ခဲ့သူအဖို့ ဆိုးတဲ့နေရာရောက်ရမှာဖြစ်ပါတယ်။ အသွင်တစ်မျိုးနဲ့ သို့မဟုတ် ပို၍ကောင်းတဲ့အသွင်၊ ယုတ်ညံ့ သွားသောအသွင်တစ်ခုခုနဲ့ နတ်ဆိုရင်လည်း နတ်ဘုံမှာပဲ ပြန်ရောက်၊ လူဆိုရင်လည်း လူ့ဘုံမှာပဲ ပြန်ရောက်၊ တိရိစ္ဆာန် ဆိုရင်လည်း တိရိစ္ဆာန် တစ်မျိုးမျိုးပဲ ပြန်ဖြစ်ဆိုတာမျိုးလည်းရှိနိုင်ပါတယ်၊ ဒါပေမဲ့ သည် ၃၁ ထပ်တိုက်ကြီးထဲကတော့ ထွက်လို့မရပါဘူး၊ ဒီအတွင်းမှာပဲ ဟိုနေရာရောက် ဒီနေရာရောက် အဖန်တလဲလဲရောက်နေတာပါပဲ။
ကဲ သည်လိုဆိုရင် မိတ်ဆွေတို့အနေနဲ့ သည်လိုအကျဉ်းထောင်နဲ့တူတဲ့ ၃၁ထပ်တိုက်ကြီးထဲက မထွက်ဘဲ ဘယ်လောက် ကြာကြာနေနိုင်ကြမလဲ၊ ဒီတိုက်ကြီးထဲမှာ ဘယ်လောက်ပျော်ပျော်ရွှင်ရွှင် နေရနေရ စားချင်တာစာရ၊ လုပ်ချင်တာလုပ်ရ ဦးတော့ (ငါဟာ သည်တိုက်ကြီးထဲမှာ အကျဉ်းကျခံနေရပါကလား) လို့ သိလာတာနဲ့ တပြိုင်နက် ဒီသာယာမှုတွေကို နှစ်သက်နိုင်ပါတော့မလား၊ ဒီလိုပဲနေသွားချင်မလား၊ နေသွားလို့ရမလား စဉ်းစားကြည့်ကြစမ်းပါ၊ သတ္တ၀ါတိုင်းဟာ ကိုယ်သွားချင်တဲ့နေရာကို သွားနိုင်တဲ့လွတ်လပ်ခွင့်ကိုသာ ရရှိလိုတယ် မဟုတ်လား၊ ဒါကြောင့် မလွတ်လပ်တဲ့ ဘ၀မှာ နေရတဲ့ သာယာမှုတွေဟာ တကယ်ဆိုတော့ ဆင်းရဲမှုတွေပဲ၊ ဒီလိုသဘောပေါက်ထားရင် သံသရာကြီးမှာ ဘ၀အသစ် အသစ်တွေ အဖန်တလဲလဲ ဖြစ်ပေါ်နေသမျှ ကောင်းတဲ့ဘ၀ရောက်ရောက်၊ ဆိုးတဲ့ဘ၀ရောက်ရောက် ဆင်းရဲခြင်း ပဲလို့ မြင်လာနိုင်ပါတယ်။ သည်အကြောင်းကို ထွက်ပေါက်မရှိတဲ့ ၃၁ ထပ်တိုက်ကြီး ဥပမာနဲ့ ထင်ဟပ်ကြည့်ကြဖို့ပါပဲ၊ ဒါဟာ ဗုဒ္ဓဆိုလိုတဲ့ ဆင်းရဲခြင်းအမှန်တရားပါပဲ၊ ဇာတိ၊ ဇရာ၊ ဗျာဒိ၊ မရဏ ဆိုတဲ့မှတ်သားလို့ရအောင် အမည်တပ်ထားတဲ့ ဝေါဟာရတွေအရ မွေးဖွားရခြင်းဆင်းရဲ၊ အိုရ နာရ သေရခြင်းဆင်းရဲ ဆိုတာတွေကို သာမန်အားဖြင့် နားလည်ထားတာ ထက် အခု ကျွန်တော်ရှင်းပြခဲ့တဲ့တရားသဘောကို ရှာကြည့်မှသာ ဆင်းရဲမှုအမှန်တရားကို ရိပ်စားမိကြမှာဖြစ်ပါတယ်၊ အခုပြောခဲ့တာတွေဟာ ဗုဒ္ဓတရားရဲ့ မူလအခြေခံအကြောင်းဖြစ်တဲ့ ဆင်းရဲခြင်းအမှန်တရား (ဒုက္ခသစ္စာ) ရဲ့ သဘောပါပဲ။
အားလုံး သစ္စာတရားလေးပါးရှိပါတယ်၊ ဒီ သစ္စာတရားလေးပါးကို မသိကြလို့၊ မကျင့်နိုင်ကြလို့ သတ္တ၀ါတွေဟာ ဘ၀ အသစ်အသစ်တွေကို တွယ်တာပြီး သံသရာကြီးထဲမှာ တပင်တပန်း ပြေးလွှားကျင်လည်နေကြရရှာတယ်ဆိုတာ ဗုဒ္ဓက သိတော်မူတဲ့အတွက် ဗုဒ္ဓ ပထမဆုံးဟောပြောပြသတဲ့ ဓမ္မစကြာ တရားတော်မှာ ဒုက္ခသစ္စာ၊ သမုဒယသစ္စာ၊ နိရောဓ သစ္စာ၊ မဂ္ဂသစ္စာ ဆိုတဲ့ သစ္စာလေးပါးကို ထည့်သွင်းညွှန်ပြထားခြင်းဖြစ်ပါတယ်။ ဒီသစ္စာတရားလေးပါးကို ကျွန်တော် ရှင်းပြပါမယ်။
(၁) ဒုက္ခသစ္စာ။ ။ မွေးဖွားရခြင်းဆင်းရဲ၊ အိုရခြင်းဆင်းရဲ၊ နာရခြင်းဆင်းရဲ၊ သေရခြင်းဆင်းရဲ၊ ၀မ်းနည်းရခြင်း၊ ပူပန်ရခြင်း၊ နာကြည်းရခြင်း၊ ကြေကွဲရခြင်း ဆင်းရဲနှင့် လိုချင်တောင့်တရာမရ၍ဆင်းရဲခြင်း ဆိုပြီးတော့ အချုပ်အားဖြင့် ဆင်းရဲခြင်း အကြောင်းတရား ငါးမျိုးကို ဒုက္ခသစ္စာ လို့ခေါ်ပါတယ်။
(၂) သမုဒယသစ္စာ။ ။ ဆင်းရဲခြင်း၏ အကြောင်းဖြစ်တဲ့ တပ်မက်တွယ်တာမှု အမှန်တရားဖြစ်တယ်၊ ဒီတရား သဘောဟာ ဆင်းရဲခြင်းကို ဧကန် ဖြစ်တယ်လို့ ဗုဒ္ဓက ညွှန်ပြတယ်၊ ဘ၀အသစ်၌ တဖန်ဖြစ်ရန် တပ်မက်တွယ်တာခြင်း၊ တဏှာလောဘနှင့် ယှဉ်၍ဖြစ်စေ၊ ရာဂနှင့် ယှဉ်၍ဖြစ်စေ တပ်မက်တွယ်တာခြင်းမျိုးတွေဟာ သမုဒယသစ္စာ ဆိုတဲ့ အမှန်တရားတစ်ခုပဲဖြစ်ပါတယ်။
(၃) နိရောဓသစ္စာ။ ။ ဒုက္ခအပေါင်း၏ ချုပ်ငြိမ်းရာဖြစ်ကြောင်း သိအပ်၊ မြင်အပ်တဲ့ အမှန်တရားကိုခေါ်ဆိုခြင်းဖြစ်တယ်၊ တဏှာလောဘကို ပယ်နိုင်ဖို့၊ စွန့်နိုင်ဖို့၊ ခွာနိုင်ဖို့၊ ဖြတ်တောက်နိုင်ဖို့ သိမြင်အားထုတ်အပ်တဲ့ အမှန်တရားလို့ဆိုပါတယ်။
(၄) မဂ္ဂသစ္စာ။ ။ ဒီ မဂ္ဂသစ္စာ ဆိုတဲ့ အမှန်တရားကတော့ ဒုက္ခ၏ချုပ်ငြိမ်းရာ နိဗ္ဗာန်သို့ရောက်ကြောင်း အကျင့်ကို ဆိုလိုပါတယ်၊ တစ်နည်းပြောရရင် ၃၁ ဘုံက ထွက်မြောက်ရာလမ်းပါပဲ။ သည်ကျင့်စဉ်မှာရှိတဲ့ လမ်းရှစ်သွယ်ကတော့ ကောင်းစွာ သိမြင်ခြင်း၊ ကောင်းစွာ ကြံစည်ခြင်း၊ ကောင်းစွာ ပြောဆိုခြင်း၊ ကောင်းစွာပြုခြင်း၊ ကောင်းစွာ အသက်မွေးခြင်း၊ ကောင်းစွာ အားထုတ်ခြင်း၊ ကောင်းစွာအောက်မေ့ခြင်းနှင့် ကောင်းစွာတည်ကြည်ခြင်းတို့ပဲ ဖြစ်ပါတယ်၊ မဂ္ဂင်ရှစ်ပါး လို့လည်း ခေါ်ပါတယ်။
နောက်ဆုံးပြောခဲ့တဲ့ မဂ္ဂင်ရှစ်ပါးကို အစု သုံးစုခွဲလို့ရပါတယ်။ ပညာ၊ သိက္ခာနဲ့ သမာဓိ ဆိုတဲ့ အစု သုံးစုဖြစ်ပါတယ်။ ပထမ အစုမှာပါတဲ့ လမ်းနှစ်သွယ်ကတော့ ကောင်းစွာ သိမြင်ခြင်း၊ ကောင်းစွာ ကြံစည်ခြင်း တို့ဖြစ်ပါတယ်။ ဒုတိယ အစုပါတာ ကတော့ ကောင်းစွာ ပြောဆိုခြင်း၊ ကောင်းစွာပြုခြင်း၊ ကောင်းစွာ အသက်မွေးခြင်း ဆိုတဲ့ ကျင့်စဉ်သုံးမျိုးဖြစ်ပါတယ်။ တတိယ အစုမှာ ပါတာကတော့ ကောင်းစွာ အားထုတ်ခြင်း၊ ကောင်းစွာအောက်မေ့ခြင်းနှင့် ကောင်းစွာတည်ကြည်ခြင်း ဆိုတဲ့ စူးစိုက်ခြင်း သုံးမျိုးပဲ ဖြစ်ပါတယ်။
ဗုဒ္ဓက ဒီ မဂ္ဂင်ရှစ်ပါး ကျင့်စဉ်ရှစ်မျိုးကို အလယ်အလတ်ကျင့်စဉ်လို့ ညွှန်ပြခဲ့တယ်၊ အလယ်အလတ်ကျင့်စဉ်လို့ ဆိုရတဲ့ အကြောင်းကတော့ ဒီ လမ်းစဉ်ဟာ အစွန်းနှစ်ဖက်ကို ရောက်အောင်မသွားဘဲ အစွန်းနှစ်ဖက်ကို ပယ်ဖို့ပါပဲ၊ ဘယ်လို အစွန်းတွေပါလဲ၊ အစွန်းတစ်ခုကတော့ လောကကြီးရဲ့ သာယာမှုတွေမှာ နစ်မြုပ်ပြီး သံသရာက လွတ်ရာလွတ်ကြောင်းကို မေ့လျော့နေခြင်းဆိုတဲ့ အစွန်းတစ်ဖက်၊ တစ်ဖက်အစွန်းတစ်ခုကတော့ မိမိကိုယ်မိမိ အလွန်အကျူး ညှဉ်းပန်းနှိပ်စက်ပြီး လောကကြီးက စွန့်ခွာနိုင်ဖို့ ကြိုးစားနေတဲ့ အစွန်းဖြစ်တယ်၊ ဒီနှစ်ပါးမှာ ပထမအစွန်းဟာ လောကအာရုံတွေကို အလွန် အကျူး ခင်တွယ်နေတဲ့အတွက် သည်လောကကြီးက မလွတ်မြောက်နိုင်ဘူး၊ ကာမ ချမ်းသာခြင်းကိုသာ အဖန်တလဲလဲ ခံစားခြင်းဖြစ်လို့ ဗုဒ္ဓက ငြင်းပယ်ပါတယ်၊ ဒုတိယအစွန်းကတော့ မိမိကိုယ်၏ ပင်ပန်းခြင်းကို အဖန်တလဲလဲ ဖြစ်စေတတ်ပြီး ဒီလောကကြီးက လွတ်မြောက်အောင် မဆောင်ရွက်နိုင်တဲ့အတွက် ဗုဒ္ဓက ပယ်ခြင်းဖြစ်ပါတယ်။
ဒါကြောင့် ဗုဒ္ဓက အထက်မှာပြောခဲ့တဲ့ မဂ္ဂင်ရှစ်ပါးကို အလယ်အလတ်ကျင့်စဉ်လို့ ညွှန်ပြခြင်းဖြစ်တယ်၊ ဒုက္ခကို ချုပ်ငြိမ်း အောင်ပြုလုပ်တဲ့နည်းကို လက်တွေ့ ဥပမာနဲ့ပြောရရင် အနာရောဂါတစ်ခုကို ပျောက်ကင်းအောင် ရောဂါရဲ့ အကြောင်း အရင်းကို ရှာပြီး ဒီရောဂါနဲ့ ကိုက်ညီမယ့် ဆေးဝါးကိုအသုံးပြု ကုသရတဲ့ ဥပမာပါပဲ၊ ဒုက္ခဟာ ရောဂါ ဆိုပါတော့၊ ရောဂါ ဖြစ်ရခြင်းအကြောင်းအရင်းကိုသိအောင် လုပ်ရသလို ဒုက္ခ ဖြစ်ရာဖြစ်ကြောင်း၊ တပ်မက်တွယ်တာမှုတွေကို တွေ့အောင်ရှာ ရပါတယ်၊ နောက်ဆုံး ဒီဆေးနဲ့ ပျောက်အောင် ကုသ ရသလို ဒုက္ခမှ လုံးလုံးလျားလျား လွတ်မြောက်အောင် သွားနိုင်တဲ့ အကျင့်ကို လက်တွေ့ကျင့်ရပါတယ်၊ သည်အကျင့်ကို အထက်က ပြောခဲ့တဲ့အတိုင်း အလယ်အလတ်အကျင့်လို့ခေါ်ပြီး လမ်းရှစ်လမ်း ပါဝင်ကြောင်း ညွှန်ပြခဲ့ခြင်းဖြစ်ပါတယ်။
ဒီမျှဆိုရင် ဗုဒ္ဓဟာ သတ္တ၀ါများအပေါ် အဘယ်မျှလောက် ကရုဏာကြီးမားတော်မူတယ်ဆိုတာ မိတ်ဆွေတို့ စဉ်းစားလို့ ရလောက်ပြီ ထင်ပါတယ်၊ ဒီဘ၀ ကနေပြီး အဖန်တလဲလဲ ဆင်းရဲကျင်လည်နေရမယ့် သံသရာမှ လွတ်မြောက်ရာလမ်းကို ဗုဒ္ဓက ညွှန်ပြတော်မူခဲ့ပါတယ်။
(ရွှေလမ်းငွေလမ်း၊ အမေရိကန်-မြန်မာ ဆက်ဆံမှုမှတ်တမ်း။ ရန်ကုန်၊ အမေရိကန်ပြန်ကြားရေးဌာန၊ ၁၉၈၀ - ဆရာကြီး ပါမောက္ခ ဦးဖေမောင်တင် အင်္ဂလိပ်ဘာသာဖြင့် ရေးသားသောဆောင်းပါးကို ညိုမြ ဘာသာပြန်သည်- ဦးဖေမောင်တင် နှစ် ၁၂၀ ပြည့်အမှတ်တရ)
No comments:
Post a Comment